講返我個經歷先啦。首先我喺入住當日即係9月18號(星期一)晚上大概當地時間6:30左右,喺Trip.com  book咗呢間酒店,當時成功book咗嘅,亦都收到確認電郵,我信用卡亦都顯示就俾咗錢,咁我就覺得好似平時咁正正常常去返酒店check-in就可以入住,點知去到酒店,個酒店職員話我冇Booking,我當時好震驚,個酒店職員亦都覺得我好似白撞咁,唔知係咪因為呢個原因啦,佢對我態度極差, 佢個員工叫岩原,真係傳統嘅日本人個隻,眼神好凶神惡煞,一聽到我哋講廣東話,或者普通話 佢態度就好差,佢對其他大陸客都係咁,所以我並冇怪佢,只不過下次唔會選擇住呢間酒店,同埋到咗第二日,佢因為Booking 確認問題唔俾我入住,嗰度已經教咗成個幾鐘頭,即係我11點到,教到差唔多個 12點幾一點先上到房瞓,第二日11點 check out嗰陣,我遲咗5分鐘左右,佢即刻打電話上嚟問我可以Check out 未,佢話再唔check out ,就要加我錢㗎啦,跟住我就同佢講 你琴晚個同事攪到幾多點先比我入住 你知唔知呀?之後佢哋先唔敢再問我收錢 !呢間酒店我一定唔會再入住 同埋呢啲睇返佢個價錢 係六本木 都要成八百幾900蚊一晚 真係離哂譜 絕對冇下次!我唔記得影酒店房間嘅環境,環境都幾殘舊下,我嗰晚真係好趕急,同埋附近得佢先有房,所以先迫於無奈入住,附近冇乜嘢好行,又冇嘢玩,餐廳選擇亦唔多,所以我再三提大家真係唔好入住呢間酒店!