第一次入住這酒店,位置非常方便,由酒店行出馬路幾分鐘就已經有機場巴士站,雖然今次係機場call車去酒店,下次可搭巴士。前台職員非常有禮貌同親切,又幫忙攞行李,入到房間後亦有簡單介紹附近景點及方向,方便我哋去參觀。Superior room房間180度景觀非常開揚,亦係選擇此房型原因。酒店泳池雖細,但間中見到其他住客係度曬太陽都幾chill。想試下靚環境嘅藍象(Blue Elephant)廚藝學校/餐廳, House of Tin Baron就係酒店附近;或者行去Patiphat road都係幾分鐘路程,沿路好多本地食店小店都值得支持,行去舊城區星期日夜市都係十幾分鐘,好方便。下次再去布吉市都會住iPavilion Phuket Hotel.