مستوى الخدمة اللي انا شوفته اقل من توقعاتي واقل من 4 نجوم بالنسبة لسعره الغالي، لسة راجعة منه امبارح، مفيش حاجة بتتعمل الا لما نطلب يعني اول ماوصلنا احنا اللي شيلنا الشنط ودخلناها برغم ان العمال واقفة بتتفرج علينا واحنا بندخل الشنط، المفروض لينا ازازاتين مية فري طالبنا بيهم يجي اكتر من خمس مرات على مدار يومين عشان ناخدها، ولازم نقولهم نضفوا الغرف عشان تتنضف، حمام السباحة واحد بس وصغير جدا وريحته كلور اوفر، مساحة الفندق واسعة جدا بس تقريبا اكتر من نصه مش مستغل ومش شغال ومفيش اي جارد على البحر، ومكنش فيه اي اسعافات يعني واحدة صاحبتنا اتلدغت من القناديل ومفيش حتى حد ساعدنا وجاب لنا شوية خل، مفيش اي حفلات ليلية والدنيا ميتة بالليل والواي فاي مش شغال ولا في الغرف ولا حتى الريسبشن، المميزات الغرف الصراحة واسعة مطلة كلها على البحر بس عادية، الفطار معقول بس مش متنوع، معنديش فكرة عن باقي الوجبات عشان كنت حاجزة بالفطار فقط، بصراحة منصحش حد يروح الفندق بالمبلغ الغالي ده، اعتقد لو شاليه على البحر هيكون افضل
翻譯